دي زي اختها اللي تحتها
خدوا بالكم بقى
عمومًا
أنا حذرتكم وعملت اللى عليّا
-------------------
ساس .. يسوس .. ساسا
داس .. يدوس..داسا
أرضٌ .. تخرجُ .. ماسا
ولِصٌ .. يسرقُ .. ناسا
باسا .. يبوس .. باسا
رقصٌ .. غانيةٌ .. و كاسا
أحمقُ .. يحكمُ .. ناسا
والٍ .. يعتلي
قصر رئــــاســـة
..
..
..
..
عفــوًا يا سادة ..
انني أقرأ الكرّاسة
..
فقد علّمونا أثناء الدراسة
أنه هكذا
تُصَرّف في بلادي
..
أفعال السياسة
::
::
قرأ الحاكم ما كتبت فقال ::
يا ابن الكذا..
يا كاااااااااااذب !
أما زال في بلادي من يذهب المدارس للدراسة !!
أو يفتح الكراسة !!
-------------
يا زبانية الحراسة
اقتلوا شيطان شاعرنا
كمّموا وسواسه
حرّقوا بيته..اطفئوا نبراسه
كسّروا أقلامه .. قطّعوا كرّاسه
اقطعوا لسانه الطويل
وافصلوا عن جسمه..راسه
---
هنا يصبح الفاعل مفعولا به
والمطلق عندنا نقيّده بكلّ سلاسة
هذه أفعال جديدة
لم تكن تعلمها
من أفعال السياسة
هناك 25 تعليقًا:
شوف بأه
احب اقولك انك بكده دخلت البلوج بتاعتك في دماغي
نوووووووور ربنا ينور طريقك والله وكي بوردك وجهازك وماوسك
نور الدين،، مش هينفع كده والله انت هتطلع في التليفزيون إمتى؟؟
الأخت الكريمة مها:
شوفي بأه
طالما البلوج دي دخلت دماغك فأكيــــــد
أكيد..دماغك كبيــــرة
اما بخصوص اني اطلع في التليفزيون امتى..بصراحة مش عارف..ممكن تتابعي برنامج اسمه(خلف الأسوار)..
هتلاقيهم بيسألوني..
انت ندمان ولا لأ؟؟
وانا اعيط واقول لهم آه..ندمان وتبت..ربنا يقبل توبتي..مع شوية دراما وموسيقى تصويرية بائسة..وغفير واقف على الباب لزوم التصوير.
مرورك هنا يسعدني جدا
واشكرك على دعائك لطريقي وكيبوردي وجهازي وماوسي..
دمتــ بخير
السلام عليكم.. جديا مللت من قولي رائعة وسلسة كالعادة _اصلي بحب دايما اطلع القطط الفاطسه_بس امري لله هي كده فعلا...راءعة وسلسة كالعادة..بارك المولي في عقلكم ..خيالكم ماشاء الله واسع...تعجبني التشبيهات جدا جعل الله عاقبة اعمالكم الجنة..في حزب اسمه"مغلق للامتحانات "مش عارفه حضرتك سمعت عنهولا لا ؟؟
ماشاء الله
لابجد صياغه راعه جدا جدا جدا
حضرتك بتكتب بقلم نوعه ايه ؟؟
ايموشن بيستفهم
الأخت:زهرة الأمل..
شكرا لثنائك على البوست.
وأرحب بالقطط الفاطسة اللى حضرتك طلعتيها هنا..
حزب مغلق للامتحانات..
من الاسم يتضح المضمون..لكن لم أسمع عنه
اذا كان الهدف منه هو التوقف عن التدوين لفترة الامتحانات ، أظن دي فكرة مقبولة..لاني شخصيا مشغول جدا جدا في المذاكرة..
لو حضرتك توضحي اكتر يبقى جزاكم الله خيرا
الأخت Radwa ..
ربنا يكرمك والله ، انا مش عارف ه الحاجات دي بتطلع لوحدها خاصة لما باطلع على السطح علشان اذاكر..
اما القلم فهو غالبًا رصاص عادي والاسنان روترنج بتاع اخويا الصغيّر..
ايموشن بيغمز
بسم الله ما شاء الله عليك
عندك طلاقه وحسن بيان وسلاسه فى الكلمات رهيبه
ربنا يبارك فيك
وعلى فكره السطح وقت المغرب ده بيبقى فعلا من احلى الاوقات عندى
بالتوفيق ان شاء الله فى الامتحانات وبرده تكتب الكلام الجميل ده
الأخت الكريمة د.حنان_Quiet storm
جزاكم الله خيرا على مرورك هنا وعلى تعليقك الرقيق.
هو حضرتك اللى نظمتي ملتقى الشعراء بتاع كليتنا ؟؟
ما شاء الله ربنا يباركلك..
عندك حقّ فعلا افضل الاوقات للكتابة عندي فعلا هي وقت الغروب وبعد الاستيقاظ مباشرة وعند النوم علشان كده تحت راسي دايما ورقة وقلم..بس دا بيعمل لي أرق..
الامتحانات دي بقى خلاص احنا حصل لنا tolerance عليها..
ولازم تستمرّ حياتنا بصورة طبيعية في وقت الامتحانات..
لان مينفعش اكون في طواريء لمدة 4 شهور من حياتي كل سنة..
والا الواحد ممكن يجيله انهيار عصبي..وينتهي به الحال ف العباسية..
مرورك هنا اكيد أسعدني جدا
ودمتـِ بخير
السلام عليكم ورحمة الله..معقول حضرتك ما سمعتش عنه؟؟؟ده اشهر من الوطني ..لا مجرد مزحة..هو بالفعل حزب ينضم اليه كل من في فترة امتحانات ويتوقف عن التدوين نهائيا في هذه الفترة ويكتب صاحب المدونة ميعاد اول الامتحانات واخرها ويدعو له الجميع بالتوفيق..الحقيقة هو لم ينشا للمحافظة علي مصلحة المدونين فقط ولكن للحفاظ علي غير المدونين مثلي ايضا.لانه بصراحة انا مدمنة مدونات ولو انتو مابطلتوش كتابة انا مش هابطل تجوال غلي النت .ارحموا من في الارض يرحمكم من في السماء..لحسن والله الواحد مش عارف يركز خالص وكل شوية اقول طب بصة بس نص ساعة يعني بس طبعا لا حياة لمن تنادي..
والله يادكتور نصيحة اخوية..بالنسبة للاوراق اللي تحت المخدة ..انا شايفة ان الواحد فترة المذاكرة الافضل انه يذاكر وبس ولو جاتله فكرة شعرية يكتب اسمها والموضوع اللي بتدور حواليه علشان ماتطلعهوش من موود المذاكرة_انا بعمل كده_والا كان زماني شلت السنين كلها لكثرة ماياتيني من افكار اثناء المذاكرة..احيانا باعتقد انها وسوسة من الشيطان علشان يعطلني وخلاص..دي مجرد نصيحة..وفقكم الله ورزقكم امتيازا رفيع المقام ...
الأخت:زهرة الأمل
-----------
جزاكم الله خيرا على متابعتك
طبيعي انه اشهر من الحزب الوطني..الوطني ده مين أصلأ يعرفه ؟؟
والله فكرة التوقف عن التدوين للامتحانات محل دراسة...
لكن امتحاناتي ستمتدّ لأكثر من 3 شهور،فهل أتوقف عن التدوين لهذه الفترة ؟؟
طبعًا يهمني ان كل الناس تذاكر حتى مدمني المدونات..
بالنسبة للأوراق..بصراحة لا استطيع الاستغناء عنها لان الافكار بتطير بمجرد تجاهلها او تأجيلها..
يخرب بيت الشيطان ..هي كده فعلا..وسوسة
لكن ان شاء الله اعمل suppression لملكات السخرية والكتابة والتدوين خلال لفترة الحالية..ويارب ينفع..
امتيـــاز..امممم
بقالي كتــير ما وصلتش له..الجيد جدا نعمه ربنا يديمها علينا..
ربنا يتقبل دعائك..
وشكرا لردّك..
ان شاء الله قريبــًا هتلاقي يافطة مغلق..ساعتها ادعو لنــا
إبداع لا يخفى..
دمت مبدعا، تقيا
خادما للقم، وفيا
المتألقة دائما:شيماء علي..
الابداع هنا لا يرتقي ولا يطمح ان يطاول برقبته صاحبة الابداع الاصيل..
سبقك لعالم الطبّ والشعر يجعل الاشعار هنا تتضاءل أمام حروفك الصافية دومًا....
كيف لنا ان نجاري من أنجَبَتْ مِنْ طِبِّها شِعرا و طبَّبَتْ أشعارها مَنْ به سَقَمُ..؟؟
مرورك هنا ينثر حبيبات الابداع على صفحتي الصغيرة فتنبت شعرًا غضًا..يتألق دومًا في حضرتك.
دمتـ متألقة كما أنتـِ
"هو حضرتك اللى نظمتي ملتقى الشعراء بتاع كليتنا ؟؟
ما شاء الله ربنا يباركلك.."
لالا يادكتور مش انا اللى نظمته
هو صحيح كلهم اخواتى واصحابى بس مش انا اللى تعبت ونظمت
انا برد بس عشان نرجع الحق لاصحابه:):)
اه ده تعب ناس قدام الجهاز وناس فى الكليه وورق يخلص وورق يطبع
ربنا يبارك فيهم كلهم وفيك
ويوفقنا جميعا
ربنا معاك فى الامتحانات وابقى وافينا ديما بكل جديد سواء فى الامتحانات او كلماتك الجميله الرائعه
تحياتى
ايه ده بأه انت فين؟ ولا امتحانات؟ آاااااااااااه طب مش تقول كده
الله معك ويوفقك وتعلي راسنا
ما شاء الله..
ممتازة د.نور الدين..
افعال جديدة فعلا
يبدو انك تتقن التلاعب بالافعال وتصريفاتها ، انت اشتغلت في الحكومة قبل كده ؟؟
اختنا مها..
هو فيه غرها الامتحانات..؟؟
شر غائب ينتظر..قد حضر..
ربنا يرحمنا منها ..دعواتكم..
ان شاء الله فيه مسودات اول ما اخلص الامتحانات هانشرها .. ان شاء الله تعجبكم جدا..
لكن حاليا بصراحة مفيش وقت آخد نفسي اساسا..
ياللا..هانت ان شاء الله
دعوااااااااااااات جامدة جداااااااا
د.احمد ..
لا اتقن التلاعب بالالفاظ أبدا غير ان بدأت اتعلم لغة حكوماتنا المحترمة..
طفل في اول الطريق..يقرأ عقليات تتناثر منها حبّات المكر والدهاء والتلاعب..شفراتهم صعبة يا صاحبي..
مرورك دائما مبدع يا دكتور..لا تحرمنا من تكراره
دعواتك عندي امتحانات
مش أول زياره ليا للمدونه
و لكنه أول تعليق
مقدرتش أحجب أعجابي بأسلوبك
ما شاء الله
قلم مبدع
و أتمنى اللقاء عن قريب أن شاء الله
لك مني تحياتي
بسم الله
جميلة جدا يا حمادة
ذكرتني باشعار الشاعر العملاق احمد مطر اللي صراحة انا باعشقه
شد حيلك في المذاكرة وابقى هيص ايام الاجازة وسيبك شوية دلوقت من السياسة هههه
البوست القادم اللي هانزله اسمه البيات الصيفي عاوزك تشترك معانا فيه هههه
تحياتي
الأخ : د.مصطفى علام
طبعا لا تحتاج لان اقول ان مرورك هنا اسعدني بشدة ..
وانا أيضا سبقتك الى زيارة مدونتك قبل حتى ان افتتح مدونتي
انت شاعر موهوب يا دكتور ..وهذه ليست مجاملة.
وهذا الكلام ذكرته للأخ محمود فرج..لعله هو من دلّك على عنوان مدونتي..
دمتـ متألقًا كما انت
الأخ الكريم :د.احمد سعيد بسيوني
حمادة برضه !!!!
والله انت مشكلة بجدّ..
لكن عموما جزاكم الله خيرا على مرورك
والشاعر احمد مطر لا يختلف على روعته اثنان..
اما الامتحانات والمذاكرة فدعواتك لي بالتوفيق ان شاء الله .
ومنتظر البوست الجديد ليك ..البيات الصيفي !!
ازيك يا باشا
بجد بجد بجد ... الطريقه روعه
والتصريف ده شكله حلو قوي
تضاف هذه إلي سليل الفخامه وإلى محكمه .. مع أنهما أجود من هذه فنيا
بس دي أحلى حته فيها باس يبوس باسا ههههههههههه
استمر يا دكتور فقلمك حقا مبدع
بس نصيحه ليك ... التغيير مطلوب
تحياتي
الاخ الكريم د.محمود فرج..
جزاكم الله خيرا على مرورك الكريم..
وعلى ثناءك
نقدك بناء جدا وفي محله وبصدق اشكرك عليه جدا جدا
اتمنى ان كل الاخوة اللي يمروا من هنا يكتبوا ولو تعليق واحد عن سلبيات الكتابة وأؤكد اني سأسعد جدا بهذا النقد..لانه الطريق الوحيد للتطوير والارتقاء ..
بالنسبة للتغيير ..لا افهم اخي اي تغيير تقصد..تقصد ان اترك الشعر السياسي الساخر واتجه لشعر من نوع آخر غزل مثلا ؟؟
او اترك الشعر كليةً مؤقتا طبعا واكتب نثرا ؟؟
عموما أطمئنك -الحمد لله عندي كتابات كتير لم انشرها بعد منها النثر ومنها الغزل ومنها بعض نماذج المحاكاة لشعراء آخرين ومنها خواطر ومناقشات..
فقط انتظر الوقت المناسب بعد الامتحانات وانشرها تباعا ان شاء الله..
دمتـ بألفـ خير وعافية أخي وجزاك الله خيرا
ازيك يا دكتور
أقصد بالتغيير .. في الغرض الشعري
وعلى فكره أنا لم أكتب نقدا .. أنا لو كتبت نقد هتكرهني .. لأني ساعتها مش هافوت حاجه
أنا قلت ان سليل الفخامه ومحكمه أجود من هذه فنيا .. ده لأني لما قريتها قلت أقراهم تاني .. واستغربت .. أنا طبعا مش عارف التتابع الزمني لكتاباتك .. لكن المفروض كل أما تكتب أكتر تجيد أكثر في الفن الشعري
لكن .. انت بتهتم بالفكره وده كويس على حساب البناء الشعري .. لو حطيت في دماغك الفن بجانب الفكره .. هتطلع حاجه زي محكمه كده اللي بعتبرها أجمل ما قرأت لك .. ده من وجهة نظري
بالنسبه لمحكاة الشعراء الآخرين .. دي مرحله بتبقى في الأول لكن خلاص انت تكوَّن عندك فكر خاص وشكل فني خاص فمش تحاول تكرر المحاكاه دي واكتب لما تعوز تكتب ولما تلاقى إنك ماسك الفكره بايديك
حاسس إن كلامي ملخبط .. بس معلش أصلي بقالي كتير مكتبتش حاجه بجد .. عموما انت اكيد هتفهمني وتعرف إن دي تخاريف امتحانات
سلام الله عليك
ازيك يا دكتور
أقصد بالتغيير .. في الغرض الشعري
وعلى فكره أنا لم أكتب نقدا .. أنا لو كتبت نقد هتكرهني .. لأني ساعتها مش هافوت حاجه
----------
على العكس والله يا دكتور محمود..يسعدني جدا النقد..ربما احيانا كثيرة اكثر من الاطراء العابر.
بصراحة مش فاهم يعني ايه (الغرض الشعري)
انا زي ما قلت لك مش باكتب شعر بقالي كثير..كنت باكسّل.
----------
أنا قلت ان سليل الفخامه ومحكمه أجود من هذه فنيا .. ده لأني لما قريتها قلت أقراهم تاني .. واستغربت .. أنا طبعا مش عارف التتابع الزمني لكتاباتك .. لكن المفروض كل أما تكتب أكتر تجيد أكثر في الفن الشعري
لكن .. انت بتهتم بالفكره وده كويس على حساب البناء الشعري .. لو حطيت في دماغك الفن بجانب الفكره .. هتطلع حاجه زي محكمه كده اللي بعتبرها أجمل ما قرأت لك .. ده من وجهة نظري
-----------
كلامك جميل جدا بس زي ما حضرتك قلت يا دكتور..ان الغرض فعلا عندي اهم بكتير من البناء وعامل الوقت له اثر كبير..يعني لو عندي فراغ كمان شوية كنت حاولت اني اضبط الاوزان والتقسيمات افضل من كده ومحكمة كتبتها على فترة طويلة نسبيا وبالتالي انا حذفت يمكن اكثر من نصفها نظرا لعدم استقامة اوزانها رغم ان معانيها ربما كانت افضل من النص الوجود حاليا..وانا دائما احتفظ بالمسودات للتعديل على ما كتبت اذا سنحت الفرصة
-----------------
بالنسبه لمحكاة الشعراء الآخرين .. دي مرحله بتبقى في الأول لكن خلاص انت تكوَّن عندك فكر خاص وشكل فني خاص فمش تحاول تكرر المحاكاه دي واكتب لما تعوز تكتب ولما تلاقى إنك ماسك الفكره بايديك
-------------------
دا صحيح ولكن انا لا اقصد بالمحاكاة التقليد الحرفي..لكن اقتباس الوزن والقافية لاني كما تعرف لم ادرس الشعر ولا الاوزان ولا القوافي وكل علمي بها هو من كثرة ما قرأت من اشعار ليس أكثر
اما عن كونها مرحلة بتبقى في الاول فأنا فعلا لسة في الاول خالص..
ولم اكتب قبل محكمة سوى حوالي شعرين او ثلاثة فقط
واول شعر كتبته ولم اكتب بعده كان من حوالي سبع سنوات.
----------------
حاسس إن كلامي ملخبط .. بس معلش أصلي بقالي كتير مكتبتش حاجه بجد .. عموما انت اكيد هتفهمني وتعرف إن دي تخاريف امتحانات
سلام الله عليك
----------------
على العكس والله يا دكتور كلامك ممتاز جدا جدا وفي محله ويكفي انك رفعت قلمك لتكتب ..
دمتـ متألقا كما أنت..ومرورك بصدق له عندي معنى آخر فلا تتوقف عن المرور من هنا
إرسال تعليق